དཔལ་ས་སྐྱའི་མཐོ་རིམ་སློབ་གྲྭ་ཆེན་མོ།

བཤད་གྲྭ་འདིར་དངོས་གཞིའི་སློབ་མར་འཛུལ་ཞུགས་བྱེད་པར་གཤམ་གསལ་ཆ་རྐྱེན་གཉིས་ཚང་དགོས། 

༡༽ རྟེན་སྐྱེས་པ་ཡིན་ཐོག་ལོ་བཅོ་ལྔ་ནས་ཉེར་ལྔའི་བར་ནར་སོན་ཞིང་། སྤྱིར་བཏང་ལ་རབ་བྱུང་གི་སྡོམ་པ་དང་ལྡན་པ་ཡིན་དགོས། དེ་རྒྱུ་མཚན་ཡང་འདི་ནི་དགེ་འདུན་པ་བཞུགས་པའི་ནང་བསྟན་མཐོ་རིམ་སློབ་གཉེར་ཁང་ཞིག་ཡིན་པས་ཡིན། 
༢༽ ཤེས་ཚད་བོད་ཀྱི་སྐད་ཡིག་གི་རྨང་གཞི་བསྒྱུར་ཀློག་དང་བྲིས་དག་ཆ་སོགས་གཞི་རིམ་གྱི་ཤེས་ཚད་ལོན་པ་ཞིག་ཡིན་དགོས། དེའང་འདིར་སློབ་ཚན་གཙོ་བོ་དཔལ་ནཱལེནྡཱ་ནས་བརྒྱུད་པའི་ནང་དོན་རིག་པ་དང་ཚད་མ་རིག་པ་ཡིན་ཞིང་། དེ་ནི་བོད་ཀྱི་སྐད་ཡིག་ཐོག་ནས་ཆ་ཚང་ལ་ཕུན་སུམ་ཚོགས་པར་སློབ་གཉེར་བྱེད་ཐུབ་ཙང་ཡིན། 
༣༽ དེས་ན་ལོ་བཅོ་ལྔ་མ་ལོན་ཞིང་བོད་ཡིག་གི་ཤེས་ཚད་དམའ་ན་ང་ཚོའི་གཞི་རིམ་སློབ་གྲྭ་(ས་ཆེན་སློབ་གྲྭ) ལ་བཞུགས་ནས་བོད་ཡིག་གི་རྨང་གཞིར་སློབ་སྦྱོང་གནང་ཆོག་ལ། རྟེན་བུད་མེད་དང་མི་སྐྱ་ཡིན་ན་འདི་གའི་དངོས་གཞིའི་སློབ་མ་མི་ཡོང་ཡང་ཟུར་སྦྱོང་གི་ཚུལ་གྱིས་འཛིན་གྲར་འདོད་མོས་ལྟར་ཕེབས་ནས་ནང་ཆོས་ལ་སློབ་གཉེར་གནང་བར་དགའ་བསུ་ཞུ་ཡི་ཡོད། 
༤༽ དངོས་གཞི་སློབ་མར་འཛུལ་ཞུགས་གནང་ཡ་ཡིན་ན་བཤད་གྲྭར་ཁ་ཐུག་ཕེབས་ནའང་འཐུས་ལ། དྲྭ་འདི་བརྒྱུད་དེ་འགེངས་ཤོག་སྦྱང་ནས་ཕེབས་ན་བཞུགས་ཤག་སོགས་སྔ་ས་ནས་གྲ་སྒྲིག་བྱེད་ཀྱི་ཡོད་པས་ཕྱོགས་གཉིས་ཀར་སྟབས་བདེ་བ་ཡོད།