དཔལ་ས་སྐྱའི་མཐོ་རིམ་སློབ་གྲྭ་ཆེན་མོ།

དཔེ་མཛོད་འདིར་རྒྱལ་བའི་གསུང་རབ་བཀའ་བསྟན་གཉིས་ཀྱིས་དབུས་ཆོས་བརྒྱུད་གྲུབ་མཐའ་རིས་སུ་མ་ཆད་པའི་གཞུང་འགྲེལ་བརྒྱ་ཕྲག་མང་པོ་དང་། ཆོས་འབྱུང་། རྒྱལ་རབས། སྙན་ངག  བརྡ་སྤྲོད། རྩོམ་རིག་སོགས་སྲོལ་རྒྱུན་སློབ་གཉེར་བ་དང་། དེང་རབས་ཞིབ་འཇུག་པ་རྣམས་ལ་དགོས་ངེས་ཀྱི་དཔེ་དེབ་ཁྲི་ཕྲག་བརྒལ་བ་བཞུགས་པར་མ་ཟད། ད་དུང་གནའ་དེང་གི་མཁས་པ་མང་པོའི་གསུང་སྒྲ་ཐག་བརྒྱུད་ནས་མཉན་ས་སྒྲ་མཛོད་ཁང་། དྲྭ་རྒྱ་བརྒྱུད་ནས་དཔྱད་ཡིག་འཚོལ་བ་དང་། ཡིག་ཆ་ཀློག་ཀླད་དུ་འཇུག་པ་དང་། པར་འདེབས་པ་སོགས་ཀྱི་ཆེད་ཀློག་ཀླད་སྡེ་ཚན། ཟབ་སྦྱོང་དང་བགྲོ་གླེང་གནང་ཡུལ་གྱི་ཚོགས་ཁང་དང་། ཚོམས་ཆེན། སློབ་གཉེར་བ་རྣམས་ཀྱིས་རྒྱུན་དུ་དཔེ་ཀློག་དང་། རྩོམ་འབྲི། ཞིབ་འཇུག་གནང་ཡུལ་སོགས་དེང་སྐབས་ཀྱི་དཔེ་མཛོད་ཁང་ཞིག་ལ་དགོས་ངེས་ཀྱི་མཐུན་རྐྱེན་ཕལ་ཆེར་འཛོམས་ཡོད།